गर्मी का महीना

गर्मी का महीना बिन बिजली पिया काट्या ना जावै
मेरा तर तर गिरै पसीना इब यो डाट्या ना जावै
तू इतना माल कमावै एक मेरा कैहण पुगा दे नै
पिया ल्यादे तू जरनेटर अर एसी लग्वादे नै 2
M:-
यें क्युकर बणै रपिये तन्नै बेरा ना गोरी
तेरे सारे केहण पुगाऊँ सिर पै बैठण नै होरी 2
के कर कै ल्याऊँ चोरी तू मन्नै न्यू बत्लादे नै
लै पकड़ यू 10 का नोट ल्या बिजना काम चलाले नै 2
F:- यू कद का स्लैन्ड़र खाली सै तनै न्यू भी बेरा ना
ना घर मै लाकडी गोसे सैं तन्नै बालण गेरया ना
गेहूँ भी आगे लाग लिये पिया चून पिसादे नै
10-15 दिन होटल का खाना मन्ग्वादे नै
यू खाली पड़या सलेन्ड़र तू इस्नै भरवादे नै
आज आज पिया गौरी का तू कैहण पुगा दे नै
M:- के लोड सै तनै सलेन्ड़र की तू गोबर पाथया कर
घर के काम की शर्म नही तू मत ना नाटया कर
यू गाम सै गोरी शहर नही तू नाक कटावैगी
तू घर मै ढंग तै खावै ना होटल का खावैगी
तू कर कै पीसना घरां पीस ले ना हाड़ तुडावैगी
मखां गात नै काली दे ले ना तै मुह की खावैगी
F:- तनै आपनी बीर की कदर नही तेरै क्यां सै तोडा
मै देउँ गाल बीचोले नै जो बना कै मरग्या जोडा
मै पडी सूँ टूटे खन्ड़रां मै पिया महल बणा दे नै
कती आण जाण नै तंग होरे एक गाडी ल्यादे नै
नयी पुरानी एक मारुति घर मै खडादे नै
M:- तनै इतना प्यार करूँ सूँ कहै तो पाड़ दिखा दूँ छाती
यू दीप जांगड़ा गौरी रै तेरा जनम जनम का साथी
इब दीप जाँगडा तै दे कै ठेका घर बनवाऊँगा
छोटी मोटी काम चलाऊ गाडी भी ल्याउन्गा
कदे तडकै फेर कहै गोरी मनै जाहज दुवा दे नै

Rights Available Click Here



Post your script for sell




    Leave a Reply