It’s OK Lekin not Dubaaraa

Yah kahaanii paariwaarik sambandhon par aadhaarit hai jisame bataaya gayaa hai ki praayah ahankaar ke hii kaaran sambandhon me kadawaahat aa jaatii hai. Pariwaar me chhotii chhotii baato par naaraaz nahiin honaa chaahiye aur apanii galatiyon ko swiikar karke usake liye sorry bolakar jiiwan me aage badh jaanaa chaahiye.

Kahaanii kii shuruuaat ek kitchen scene se hotii hai jahaa KIRAN (25) aur usakii saas GAYATRI (65) aapas me kisii baat ko lekar jhagad rahe hain,usakaa patii RAKESH (30) unhen dekh rahaa hai aur tanaaw me hai.Kiran jaadaa aggressive ho jaatii hai.

Rakesh use samajhaane kaa prayaas kartaa hai lekin wah gusse me apane ghar chalii jaatii hai.

Ab saaraa kaam Gayatri hii kar rahii hai.Wah kitchen me bartan saaf karake use drawer me rakhanaa chaah rahii hai lekin kamar dard se karaahne lagatii hai aur uupar slab par hii rakh detii hai.

Rakesh bahut pareshaan hai aur ro rahaa hai,Gayatri usko samajhaatii hai ki bahuu ko le aao,mai apane apamaan ko sahan kar sakatii huu lekin tumhaare dukh ko nahin.

Kiran fir aatii hai.

Wah dekhatii hai kitchen me sare  bartan slab par hii bikhare pade hain,Rakesh bataata hai maa ko jhukane  me takaliif hai isiiliye uupar rakh dii hain.Wah kahataa hai maa bujurg hain unhen jhukane me takaliif hai to tum hii jhuk jaao ,Kiran ishaaron me kahii gayii is baat ko samajh jaatii hai.

Agale din subah Kiran, Gayatri ko chaay detii hai aur sorry bolatii hai.Gayatri jawaab me kyaa bole yah samajh nahiin paatii hai aur kahatii hai khush raho khush raho.Kiran kahatii hai its ok bolate hain. Ab Gayatri muskaraate huye its ok bolatii hai aur uskaa kaan pakad kar kahatii hai lekin not dubaaraa , sabhii gale milate hain.

Rights Available Click Here



Post your script for sell




Leave a Comment

Your email address will not be published. Required fields are marked *